湯 唯 因 《 色 ‧ 戒 》 一 片 而 被 內 地 封 殺 ， 恩 師 李 安 即 使 幫 口 講 好 說 話 ， 亦 無 補 於 事 。
先 後 在 康 城 得 過 影 帝 影 后 的 梁 朝 偉 與 全 度 妍 ， 兩 人 今 次 首 次 碰 頭 ， 獲 封 「 亞 洲 電 影 大 獎 」 的 影 帝 影 后 殊 榮 。
06 年 的 影 視 博 覽 ， 粒 粒 巨 星 傾 巢 而 出 ， 張 曼 玉 、 梁 家 輝 、 袁 詠 儀 、 張 學 友 等 一 齊 上 台 大 合 照 ， 相 比 今 年 非 常 失 色 。
當 晚 紅 地 氈 上 ， 場 面 冷 清 ， 相 距 十 數 分 鐘 才 有 明 星 駕 到 ， 正 當 司 儀 喊 有 巨 星 來 臨 ， 卻 原 來 是 李 蕙 敏 。「 香 港 影 視 娛 樂 博 覽 」 於 本 週 一 晚 （ 三 月 十 七 日 ） 舉 行 第 二 屆 「 亞 洲 電 影 大 獎 頒 獎 典 禮 」 ， 撐 場 港 星 買 少 見 少 ， 影 圈 巨 星 口 口 聲 聲 支 持 香 港 電 影 業 發 展 ， 全 部 得 把 口 。
好 在 仲 有 梁 朝 偉 ， 身 體 力 行 做 埋 大 使 賣 力 宣 傳 ， 繼 而 在 頒 獎 禮 台 上 憑 《 色 ， 戒 》 問 鼎 影 帝 ， 夜 晚 再 約 埋 女 友 劉 嘉 玲 痛 飲 慶 祝 。 至 於 好 拍 檔 湯 唯 ， 因 角 色 被 指 歌 頌 漢 奸 而 遭 內 地 秋 後 算 賬 ， 最 終 未 有 現 身 香 港 。 同 樣 扮 漢 奸 的 偉 仔 卻 避 過 一 劫 ， 他 理 直 氣 壯 力 撐 湯 唯 ： 「 我 都 有 責 任 要 承 擔 。 」
諸 位 天 王 巨 星 ， 講 得 出 請 做 得 到 。
失 禮 香 港
近 日 流 感 高 峰 期 ， 衞 生 署 呼 籲 市 民 要 注 意 衞 生 和 空 氣 流 通 ， 不 過 ， 同 樣 由 政 府 有 關 部 門 舉 辦 的 第 二 屆 亞 洲 電 影 大 獎 頒 獎 禮 ， 大 會 將 後 台 貨 倉 改 建 成 臨 時 記 者 室 ， 簡 陋 通 風 設 備 如 同 虛 設 。 讓 二 百 多 名 中 、 外 傳 媒 ， 擁 擠 在 只 有 半 個 籃 球 場 面 積 的 地 方 ， 恍 如 身 處 難 民 集 中 營 ， 一 度 阻 礙 採 訪 之 餘 ， 連 出 爐 影 后 全 度 妍 ， 見 到 現 場 混 亂 環 境 ， 也 大 皺 眉 頭 。
獲 封 影 后 的 韓 國 女 星 全 度 妍 ， 得 獎 後 懷 喜 悅 心 情 到 後 台 接 受 訪 問 ， 她 行 經 貨 倉 和 廚 房 後 巷 到 場 ， 身 上 紅 色 拖 地 晚 裝 ， 被 污 糟 邋 遢 地 磚 染 污 。 之 後 大 會 安 排 她 坐 在 後 巷 做 訪 問 （ 右 圖 ） ， 令 出 爐 影 后 當 場 黑 面 。
宋 慧 喬 行 經 後 台 樓 梯 時 ， 傳 媒 一 擁 而 上 影 相 ， 大 會 工 作 人 員 即 叫 她 返 回 前 台 ， 宋 慧 喬 顯 得 非 常 狼 狽 ， 安 排 混 亂 。
貿 發 局 和 主 辦 單 位 的 工 作 人 員 ， 未 肯 就 安 排 混 亂 挺 身 向 傳 媒 交 代 ， 只 由 受 聘 的 宣 傳 人 員 出 來 解 畫 ： 「 我 會 盡 量 安 排 採 訪 位 置 。 」 但 最 終 得 個 講 字 。
偉 仔 （ 箭 嘴 ） 在 後 台 貨 倉 做 訪 問 ， 由 於 附 近 堆 滿 音 響 箱 阻 塞 通 道 ， 情 況 更 混 亂 。
外 援 撐 場
上 屆 「 亞 洲 電 影 大 獎 」 ， 香 港 影 星 出 席 比 率 已 逐 年 遞 減 ， 成 龍 、 張 曼 玉 、 周 潤 發 、 梁 家 輝 ， 稍 有 國 際 知 名 度 的 ， 全 部 無 影 ， 要 充 撐 場 面 ， 有 賴 一 班 中 、 日 、 韓 紅 星 。
紅 地 氈 上 未 能 盡 現 香 港 影 視 界 光 芒 ， 只 靠 一 眾 純 為 「 俾 面 派 對 」 前 來 的 花 旦 小 生 ， 支 持 電 影 業 。
最 搶 鏡 ， 莫 過 於 徐 子 珊 ， tube-dress 谷 胸 加 埋 條 鑽 石 鏈 ， 比 起 著 住 Marc Jacobs 黑 裙 透 白 bra 的 楊 千 嬅 ， 絕 對 贏 得 漂 亮 。 肉 光 四 射 卻 未 能 盡 現 星 光 ， 就 連 梁 朝 偉 寧 願 直 接 行 入 會 場 棄 走 紅 地 氈 。 正 當 冷 場 之 際 ， 紅 地 氈 區 司 儀 陳 霽 平 、 周 子 駒 忽 以 英 語 說 有 巨 星 Amanda 進 場 。 傳 媒 鏡 頭 準 備 就 緒 ， 點 知 原 來 係 Amanda 李 蕙 敏 ， 笑 爆 ！ 幸 好 未 有 柴 台 噓 聲 。
大 熱 倒 灶
頒 獎 禮 正 式 開 始 ， 有 份 憑 《 色 ， 戒 》 角 逐 影 后 的 湯 唯 ， 因 王 佳 芝 角 色 被 指 歌 頌 漢 奸 ， 遭 內 地 全 面 封 殺 ， 何 止 代 言 廣 告 全 部 禁 播 被 抽 起 ， 就 連 來 港 計 劃 亦 臨 時 取 消 。 最 終 ， 影 后 寶 座 由 韓 國 女 星 全 度 妍 以 《 密 陽 》 奪 得 ， 苦 情 戲 夫 離 子 散 搏 得 評 審 認 同 。 幸 好 ， 梁 朝 偉 不 負 眾 望 ， 憑 《 色 ， 戒 》 再 登 影 帝 寶 座 。 在 台 上 ， 偉 仔 以 英 語 感 謝 台 前 幕 後 支 持 ， 特 別 多 謝 女 友 劉 嘉 玲 的 體 諒 。
回 到 後 台 做 訪 問 ， 偉 仔 再 替 拍 檔 湯 唯 講 好 話 ： 「 我 都 睇 過 報 導 （ 封 殺 ） ， 有 好 多 講 法 ， 不 過 未 證 實 ， 所 以 冇 乜 意 見 ， 如 果 有 咁 事 ， 我 都 有 責 任 要 承 擔 ， 我 都 係 戲 中 一 分 子 。 」 去 年 為 幫 吳 宇 森 ， 辭 演 後 再 翻 兜 接 拍 《 赤 壁 》 ， 更 被 安 排 在 奧 運 前 後 上 影 ， 雙 重 標 準 ， 有 指 因 為 《 赤 壁 》 ， 偉 仔 才 避 過 一 劫 ， 但 他 仍 冇 有 怕 為 湯 唯 講 好 說 話 ， 勇 ！
包 場 開 派 對
好 心 有 好 報 ， 頒 獎 禮 完 結 後 ， 影 帝 偉 仔 先 到 君 悅 出 席 官 方 慶 功 宴 ， 到 晚 上 十 一 點 ， 再 出 發 去 中 環 蘭 桂 坊 AURA ， 與 女 友 劉 嘉 玲 包 場 開 派 對 。
舒 淇 、 徐 若 瑄 、 宋 慧 喬 、 張 震 、 王 家 衞 等 均 有 出 席 派 對 ， 眾 人 玩 到 凌 晨 四 時 多 才 離 開 。 早 前 宣 布 結 束 廿 年 愛 情 長 跑 ， 準 備 結 婚 的 嘉 玲 、 偉 仔 ， 雖 然 良 辰 吉 日 未 有 定 案 ， 但 離 開 時 ， 手 執 男 友 新 鮮 出 爐 影 帝 獎 座 ， 繼 而 拖 偉 仔 晒 恩 愛 的 嘉 玲 ， 四 萬 笑 容 同 在 場 記 者 分 享 喜 悅 ： 「 好 開 心 ！ 」 短 短 三 字 真 言 ， 盡 顯 梁 太 的 心 底 話 。
偉 仔 開 派 對 ， 好 友 兼 拍 檔 的 王 家 衞 （ 左 ） 當 然 捧 場 ， 連 韓 星 宋 慧 喬 （ 右 ） 亦 俾 面 出 席 。
得 獎 名 單
第 二 屆 「 亞 洲 電 影 大 獎 」 頒 獎 禮 ， 韓 國 電 影 《 密 陽 》 連 奪 三 獎 成 為 大 贏 家 ， 純 港 產 片 就 只 有 《 神 探 》 和 《 跟 蹤 》 各 得 一 個 獎 項 。
最 佳 電 影 ： 《 密 陽 》
最 佳 導 演 ： 李 滄 東 《 密 陽 》
最 佳 男 主 角 ： 梁 朝 偉 《 色 ， 戒 》
最 佳 女 主 角 ： 全 度 妍 《 密 陽 》
最 佳 男 配 角 ： 孫 紅 雷 《 鐵 木 真 》
最 佳 女 配 角 ： 陳 沖 《 太 陽 照 常 升 起 》
最 佳 編 劇 ： 韋 家 輝 、 歐 健 兒 《 神 探 》
最 佳 攝 影 ： 廖 本 榕 《 幫 幫 我 愛 神 》
最 佳 美 術 指 導 ： 曹 久 平 、 張 健 群 《 太 陽 照 常 升 起 》
最 佳 原 創 音 樂 ： 韋 沙 ‧ 戴 蘭 尼 、 錫 哈 ‧ 雷 夫 捷 尼 《 如 果 ‧ 愛 在 寶 苯 塢 》
最 佳 剪 接 ： 大 衞 ‧ 里 查 森 《 跟 蹤 》
最 佳 視 覺 效 果 ： 吳 炫 輝 《 投 名 狀 》
亞 洲 電 影 終 身 成 就 獎 ： 山 田 洋 次
紀 念 楊 德 昌 亞 洲 新 秀 大 獎 ： 石 井 裕 也
