齊 小 姐 不 滿 必 瘦 站 的 處 事 手 法 ， 提 起 仍 非 常 勞 氣 。 （ 關 永 浩 攝 ）
醫 生 紙 上 已 建 議 齊 小 姐 應 終 止 療 程 。
必 瘦 站 以 「 衞 蘭 療 程 」 作 招 徠 ， 不 少 苦 主 都 因 該 廣 告 而 幫 襯 。 （ 張 國 慶 攝 ）
何 應 輝 替 齊 小 姐 檢 查 過 後 ， 發 現 她 的 頸 椎 及 脊 椎 都 已 移 位 。 （ 關 永 浩 攝 ）投訴 : 亂吹醫學理論 必瘦站減肥變瘀傷
繼 本 刊 早 前 踢 爆 必 瘦 站 的 「 衞 蘭 療 程 」 搵 笨 後 ， 必 瘦 站 「 再 創 新 猷 」 。 只 顧 搶 錢 ， 罔 顧 客 人 有 肌 肉 痠 痛 ， 力 谷 客 人 加 錢 做 特 別 療 程 ， 最 終 害 苦 客 人 周 身 瘀 傷 。
年 屆 五 十 歲 的 齊 小 姐 ， 一 心 參 加 標 榜 只 需 幾 百 元 的 「 衞 蘭 療 程 」 減 磅 ， 「 我 諗 住 咁 平 ， 又 話 有 合 約 保 證 先 去 試 。 」 但 齊 小 姐 做 了 四 次 焗 氈 減 磅 後 ， 發 現 效 用 不 大 ， 顧 問 阿 June 隨 即 游 說 她 加 錢 「 做 機 」 瘦 身 。 「 我 講 明 有 肌 肉 痠 痛 ， 佢 話 咁 樣 仲 好 ， 加 多 兩 萬 蚊 做 個 通 經 絡 療 程 ， 對 紓 緩 筋 骨 痛 有 幫 助 。 」 齊 小 姐 抵 受 不 了 必 瘦 誘 惑 ， 總 共 花 了 七 萬 元 買 下 多 個 療 程 。 惟 第 一 次 做 機 後 ， 齊 小 姐 已 滿 身 瘀 痕 ， 「 我 痛 到 嗌 晒 出 ， 標 晒 眼 水 ， 仲 要 食 埋 止 痛 藥 繼 續 做 。 」 但 阿 June 堅 持 一 切 正 常 ， 「 佢 話 瘀 晒 係 好 事 ， 證 明 毒 素 走 晒 出 。 」 齊 小 姐 將 信 將 疑 ， 雖 繼 續 到 必 瘦 站 做 療 程 ， 仍 去 看 醫 生 求 安 心 ， 「 醫 生 見 我 瘀 成 咁 ， 以 為 我 俾 人 打 ， 佢 話 我 唔 可 以 再 做 。 」 結 果 齊 小 姐 決 定 「 愛 命 唔 愛 靚 」 終 止 療 程 ， 儘 管 有 醫 生 紙 證 明 齊 小 姐 不 適 合 做 相 關 療 程 ， 必 瘦 站 仍 不 肯 退 款 。 「 佢 話 一 定 唔 退 錢 ， 叫 我 轉 做 其 他 機 ， 又 或 者 俾 朋 友 ， 但 七 萬 蚊 咁 多 ， 邊 個 朋 友 肯 要 ？ 依 家 聽 到 必 瘦 站 三 個 字 都 驚 ！ 」
求 證 ： 堅 稱 有 瘀 傷 屬 正 常
專 家 話 ： 脊 骨 移 位 應 終 止 療 程
雖 然 必 瘦 站 聲 稱 磁 叉 通 經 絡 源 自 中 醫 ， 但 香 港 中 國 醫 學 研 究 所 所 長 李 寧 漢 指 未 有 聽 聞 ， 「 中 醫 的 正 式 按 壓 唔 會 有 瘀 黑 ， 除 非 用 拔 火 罐 ， 吸 力 先 會 令 到 皮 膚 有 瘀 傷 。 」 記 者 再 與 齊 小 姐 到 脊 骨 神 經 科 醫 生 何 應 輝 處 檢 查 ， 何 應 輝 直 言 ， 物 理 治 療 界 沒 有 通 經 絡 的 概 念 ， 治 療 師 慣 用 儀 器 幫 助 患 者 ， 他 並 指 齊 小 姐 的 頸 椎 及 脊 椎 出 現 移 位 ， 「 移 位 令 佢 肌 肉 兩 邊 唔 平 衡 ， 佢 隻 手 會 好 緊 。 」 因 此 建 議 齊 小 姐 終 止 療 程 。 必 瘦 站 公 關 回 應 ， 經 中 醫 余 研 光 證 實 ， 經 絡 療 程 不 會 令 肌 肉 受 傷 ， 因 此 只 能 替 事 主 轉 為 其 他 療 程 ， 絕 不 退 款 。 （ 蔡 納 斯 ）
壹 判 官: 必 瘦 站 為 替 客 人 荷 包 瘦 身 ， 竟 敢 亂 吹 醫 學 知 識 ， 最 終 搞 到 受 害 人 傷 痕 纍 纍 ， 實 在 令 人 髮 指 ！
同 場 加 映 必 瘦 站 代 餐 掠 水今 年 七 月 ， 林 小 姐 付 兩 萬 多 元 參 加 必 瘦 站 的 纖 體 療 程 。 惟 療 程 開 始 不 久 ， 職 員 便 指 其 瘦 身 效 果 不 顯 著 ， 游 說 她 購 買 日 本 公 司 「 Fine 」 出 品 的 代 餐 ， 每 盒 十 餐 ， 售 價 高 達 一 千 元 。 「 一 百 蚊 餐 其 實 好 貴 ， 但 顧 問 強 調 產 品 淨 係 必 瘦 站 先 有 得 賣 ， 食 減 磅 減 得 快 ， 最 終 買 十 八 盒 。 」 林 小 姐 上 月 到 屈 臣 氏 購 物 時 ， 竟 發 現 有 相 同 的 代 餐 出 售 ， 盒 上 還 印 有 必 瘦 站 的 商 標 ， 售 價 卻 只 需 二 百 多 元 ， 比 她 買 入 的 平 近 八 百 元 。 她 於 是 登 入 產 品 網 站 查 看 ， 「 日 本 原 來 只 賣 百 幾 蚊 港 幣 ， 就 算 運 香 港 ， 都 唔 使 一 千 蚊 ， 直 頭 係 搵 笨 。 」 林 小 姐 遂 向 必 瘦 站 投 訴 ， 對 方 堅 拒 退 款 ， 並 解 釋 其 店 內 出 售 的 代 餐 ， 多 了 一 包 價 值 數 百 元 的 骨 膠 原 ， 定 價 自 然 較 貴 。
求 證 ： 所 謂 骨 膠 原 只 值 十 數 元
上 週 二 記 者 致 電 必 瘦 站 查 詢 ， 職 員 強 調 「 呢 款 代 餐 得 專 門 店 才 有 售 」 ， 更 謂 要 買 夠 一 定 數 量 ， 才 可 以 一 千 元 一 盒 的 優 惠 價 入 貨 ， 全 無 提 及 其 他 買 貨 途 徑 。 記 者 及 後 到 屈 臣 氏 ， 以 二 百 六 十 八 元 購 得 該 款 代 餐 ， 當 中 包 括 十 包 湯 粉 及 十 包 曲 奇 ， 產 品 同 樣 由 「 Fine 」 出 品 ， 包 裝 、 分 量 與 成 分 都 與 林 小 姐 在 必 瘦 站 所 買 的 代 餐 一 樣 ， 唯 一 分 別 是 少 了 一 包 營 養 丸 ， 即 必 瘦 站 所 指 的 骨 膠 原 。 記 者 根 據 網 站 的 產 品 資 料 ， 發 現 該 包 營 養 丸 只 值 十 餘 港 元 ， 可 見 必 瘦 站 食 水 甚 深 。 必 瘦 站 回 覆 指 ， 現 正 聯 絡 產 品 供 應 商 ， 如 證 實 產 品 定 價 過 貴 ， 會 對 客 戶 作 適 當 賠 償 。 （ 李 羨 愉 ）
