現實愛情故事 曹永廉

如 果 ， 真 是 最 愛 一 個 人 才 跟 一 個 人 結 婚 ， 原 則 上 ， 結 婚 對 象 是 無 得 揀 的 ， 只 可 以 揀 唔 結 。

咪 傻 啦 。

咁 ， 老 婆 ， 應 該 點 揀 ？

先 計 一 計 家 底 。 像 曹 永 廉 ， 老 婆 姜 依 蘭 是 姜 大 偉 千 金 ， 一 場 婚 禮 ， 似 邵 氏 舊 生 會 ， 連 徐 小 鳳 都 俾 面 出 席 ， 埋 單 計 數 ， 收 到 的 人 情 一 定 遠 超 酒 席 費 用 ， 賺 硬 。

如 果 外 父 仲 話 唔 收 禮 金 ， 真 係 好 過 抽 中 一 手 中 鐵 。

一 直 陰 聲 細 氣 禮 貌 周 到 的 新 郎 哥 ， 終 於 有 點 火 ： 「 話 我 無 俾 禮 金 ？ 其 他 人 點 可 能 知 道 呀 ？ 禮 金 ， 我 有 俾 ， 俾 幾 多 唔 使 講 ， 至 少 ， 我 企 出 ， 可 以 企 得 好 直 ！ 」 以 為 曹 永 廉 會 繼 續 炮 轟 ， 替 自 己 名 聲 辯 護 ， 隔 三 秒 ， 竟 然 回 復 平 靜 ， 為 對 頭 設 想 ： 「 不 過 ， 唉 ， 算 啦 ， 唔 通 本 本 雜 誌 都 寫 好 野 咩 ？ 點 都 要 作  特 色 料 出  寫 啦 ！ 」

這 就 是 曹 永 廉 。 似 廿 九 的 童 顏 幼 齒 下 是 四 十 三 的 人 情 世 故 ， 演 活 小 男 人 卻 遮 不 住 已 有 點 不 合 時 宜 的 大 男 人 骨 氣 。 對 住 一 個 陌 生 的 未 婚 訪 問 者 ， 即 將 做 爸 爸 的 曹 永 廉 坦 承 自 己 自 私 、 花 心 、 計 算 和 恐 懼 。 在 西 貢 村 屋 誕 生 的 姻 緣 ， 沒 有 曲 折 離 奇 ， 沒 有 永 恆 承 諾 。 健 牌 一 支 接 一 支 ， 但 聲 言 會 為 兒 子 出 生 而 戒 煙 的 男 人 ， 正 慢 慢 道 出 一 段 現 實 愛 情 故 事 。

大 鑊
如 果 依 蘭 沒 有 意 外 懷 孕 ， 結 婚 ， 大 概 會 再 推 遲 多 一 兩 年 。

男 人 都 是 這 樣 吧 ， 結 婚 唔 緊 要 ， 不 過 要 拖 ， 一 時 話 考 慮 工 作 ， 一 時 話 考 慮 財 政 ， 永 遠 等 殺 到 埋 身 ， 至 肯 認 真 處 理 。

我 驚 呀 。 你 看 鄭 嘉 穎 ， 未 結 婚 ， 還 可 以 演 後 生 仔 ， 做 偶 像 劇 。 結 了 婚 ， 會 不 會 立 即 被 擺 去 下 一 個 檔 次 ？ 對 於 我 來 說 ， 這 是 一 個 枷 鎖 。 跟 依 蘭 相 識 五 年 ， 同 居 也 有 一 段 時 間 ， 結 婚 不 結 婚 ， 對 生 活 方 式 根 本 毫 無 影 響 。 假 如 因 為 結 婚 影 響 到 前 途 ， 我 會 覺 得 好 唔 抵 。 我 還 在 搏 殺 期 呀 ， 得 到 的 機 會 ， 也 看 得 出 越 來 越 多 。 我 的 鬥 心 還 在 ， 還 希 望 做 到 一 哥 ， 怎 可 能 跑 去 結 婚 ？

知 道 依 蘭 懷 孕 一 剎 那 ， 晴 天 霹 靂 ， 任 何 計 劃 都 搞 亂 了 ， 每 晚 都 失 眠 ， 擔 心 公 司 睇 法 ， 擔 心 未 來 有 沒 有 工 作 ， 會 不 會 再 次 跌 落 六 、 七 線 。 一 句 講 晒 ： 大 鑊 。

用 了 足 足 一 個 月 ， 才 收 拾 到 心 情 。

不 要 諗 太 多 結 婚 之 後 會 面 對 什 麼 ， 趁 現 在 開 心 ， 為 什 麼 不 可 以 先 做 一 件 令 大 家 開 心 的 事 ？

「 可 以 的 話 ， 當 然 想 多 些 時 間 籌 備 婚 禮 ， 找 到 的 贊 助 也 多 些 。 不 過 ， 天 意 來 的 ， 逼 到 我 下 決 定 ， 也 不 失 為 好 事 。 」 曹 永 廉 說 。

開 心
為 什 麼 要 結 婚 ？

結 婚 是 個 承 諾 ， 講 到 底 ， 跟 拍 拖 有 什 麼 分 別 ？ 將 來 出 了 事 咪 一 樣 分 開 ？ 所 以 ， 一 直 沒 有 衝 動 。

或 者 是 依 蘭 聰 明 吧 ， 從 來 沒 有 逼 我 ， 反 而 令 我 想 做 些 事 引 她 開 心 。 不 要 諗 太 多 結 婚 之 後 會 面 對 什 麼 ， 趁 現 在 開 心 ， 為 什 麼 不 可 以 先 做 一 件 令 大 家 開 心 的 事 ？ 將 來 ， 有 人 可 以 掌 握 嗎 ？

決 定 了 ， 便 去 找 一 些 理 據 說 服 自 己 。 年 紀 上 ， 我 的 確 不 再 適 合 扮 演  仔 的 角 色 ， 看 林 文 龍 、 歐 陽 震 華 、 郭 晉 安 、 陳 錦 鴻 ， 結 了 婚 ， 還 不 是 繼 續 上 ？ 說 不 定 定 性 點 ， 給 觀 眾 的 認 受 性 更 大 ， 對 我 演 戲 有 幫 助 呢 。

負 擔 大 了 ， 會 不 會 令 自 己 不 再 敢 冒 險 ， 只 追 求 安 定 ？ 對 ， 買 衫 ， 以 前 買 三 件 ， 現 在 可 能 只 敢 買 兩 件 ； 計 計 數 ， 儲 落 的 錢 ， 夠 支 持 我 沒 有 工 作 一 段 時 間 ， 要 出 外 搏 殺 ， 也 算 有 空 間 。 何 況 ， 公 司 班 高 層 似 乎 很 開 心 ， 還 未 見 有 什 麼 負 面 反 應 ， 應 該 沒 有 事 吧 。

金 蛋
有 人 說 我 娶 了 個 懂 生 金 蛋 的 老 婆 。 聽 過 就 算 ， 有 什 麼 好 介 意 ？ 難 道 做 了 姜 大 偉 女 婿 就 會 多 些 工 作 ？ 我 擁 有 的 一 分 一 毫 ， 都 是 辛 辛 苦 苦 捱 回 來 的 ， 我 從 來 沒 有 睇 小 過 自 己 。

不 錯 ， 她 的 學 歷 高 過 我 ， 咪 分 工 合 作 ， 她 替 我 處 理 英 文 文 件 ， 我 就 做 多 些 家 務 。 她 是 姜 大 偉 女 兒 ， 又 如 何 ？ 外 父 外 母 以 前 幾 紅 ， 咪 又 係 普 通 人 一 個 ？ 怎 會 有 壓 力 ？ 她 自 小 接 觸 這 一 個 圈 子 ， 甚 至 是 件 好 事 ， 至 少 了 解 我 的 工 作 情 況 ， 不 會 胡 思 亂 想 。

就 算 給 人 寫 我 沒 有 俾 禮 金 ， 其 實 也 沒 有 所 謂 。 嬲 ， 只 係 嬲 在 我 肯 接 受 訪 問 ， 肯 合 作 ， 換 來 的 卻 是 不 獲 尊 重 的 待 遇 。 禮 金 ， 當 然 有 俾 ， 不 俾 ， 我 會 不 舒 服 ， 當 然 ， 我 可 以 提 供 的 不 是 天 文 數 字 ， 只 是 個 負 擔 得 起 的 銀 碼 。 我 卻 心 安 理 得 。

上 一 次 接 受 《 壹 週 刊 》 訪 問 ， 正 值 《 妙 手 仁 心 3 》 大 熱 ， 自 爆 年 過 四 十 的 秘 密 。 「 時 好 驚 以 後 無 得 做 小 生 ， 好 彩 ， 大 家 讚 我 保 養 好 ， 我 還 可 以 演 廿 幾 歲 的 角 色 。 」

平 衡
我 認 ， 六 、 七 年 前 ， 我 很 花 心 。

貪 玩 、 貪 新 鮮 ， 每 次 拍 拖 ， 總 會 遇 到 誘 惑 ， 一 見 到 欣 賞 的 女 人 ， 就 鍾 意 ， 就 要 一 齊 。 分 手 ， 往 往 是 因 為 有 第 三 者 出 現 。

很 多 男 人 ， 會 因 為 負 責 任 而 勉 強 維 持 一 段 關 係 ， 可 能 我 衰 格 ， 接 受 不 到 。 拖 多 一 兩 年 ， 對 方 年 紀 更 大 ， 不 是 更 大 的 拖 累 嗎 ？

在 我 事 業 最 低 潮 的 時 候 ， 都 有 女 朋 友 ， 大 家 一 齊 捱 ， 總 算 開 心 過 。 說 慘 ？ 只 不 過 我 是 一 個 演 員 ， 一 個 唔 紅 的 演 員 ， 就 需 要 因 為 辜 負 了 對 方 而 拖 泥 帶 水 嗎 ？ 可 惜 ， 我 真 是 個 拖 泥 帶 水 的 天 秤 座 ， 想 分 手 ， 不 會 講 出 口 ， 只 會 希 望 身 邊 的 人 感 受 到 。 永 遠 要 出 現 推 動 力 ， 才 捨 得 決 斷 。 這 不 是 好 態 度 ， 卻 是 有 效 的 方 法 。

如 是 者 ， 拍 過 幾 次 拖 ， 終 於 發 現 要 搵 到 一 個 對 自 己 好 ， 自 己 又 喜 歡 的 ， 原 來 好 困 難 。 搵 到 了 ， 就 不 應 再 浪 費 時 間 追 求 一 個 更 愛 的 。 就 算 給 你 找 到 ， 你 愛 對 方 多 於 對 方 愛 你 ， 也 只 會 辛 苦 。

世 間 上 沒 有 完 美 的 愛 情 ， 只 可 以 追 求 平 衡 。

出 三 張 唱 片 ， 三 間 唱 片 公 司 倒 閉 ， 那 個 時 候 ， 報 細 了 五 歲 。 「 我 其 實 不 喜 歡 說 謊 ， 做 戲 ， 已 經 是 弄 虛 作 假 。 放 了 工 ， 讓 我 可 以 坦 率 一 點 吧 。 」

發 火
你 們 看 我 ， 說 我 腍 善 。 對 街 外 人 ， 或 者 是 ； 對 親 人 ， 我 的 脾 氣 其 實 很 大 ， 直 到 近 來 依 蘭 有 身 孕 ， 我 才 變 得 比 較 細 心 比 較 包 容 ， 脾 氣 也 少 發 了 。

有 什 麼 辦 法 ？ 我 蠢 ， 吸 收 能 力 低 ， 唯 一 可 以 變 成 賣 點 的 ， 只 有 聽 教 聽 話 。 永 遠 記 熟 劇 本 ， 永 遠 唔 遲 到 ， 永 遠 唔 會 搞 到 其 他 人 有 麻 煩 ， 戲 好 不 好 是 另 一 回 事 ， 至 少 保 證 大 家 準 時 收 工 。

未 入 行 ， 我 打 過 好 多 份 工 ， 很 明 白 要 別 人 對 自 己 好 ， 必 定 要 先 對 人 好 。 做 歌 手 ， 我 都 試 過 四 、 五 個 人 跟 我 行 出 來 ， 轉 過 頭 咪 又 係 一 個 人 大 袋 衫 走 來 走 去 ？ 假 勢 來 的 。 殺 傷 力 越 細 ， 其 實 越 容 易 生 存 。 你 以 為 這 一 行 會 沒 有 跟 紅 頂 白 ？ 你 以 為 沒 有 人 會 試 過 指 使 我 做 配 襯 ？ 我 都 有 差 一 點 便 發 火 ， 好 彩 得 住 。

有 些 事 ， 紅 的 人 做 就 得 ， 我 做 ， 真 係 唔 得 。

十 幾 萬
有 織 髮 公 司 找 曹 永 廉 做 代 言 人 。 對 ， 話 晒 四 十 有 三 ， 甩 頭 髮 ， 避 無 可 避 吧 。 「 我 的 頭 髮 ， 全 部 是 真 的 。 」 原 來 ， 曹 小 朋 友 代 言 的 產 品 ， 不 為 禿 頭 人 士 而 設 ， 而 是 方 便 貪 靚 型 男 ， 可 無 時 無 刻 更 改 髮 型 ， 是 一 種 fashion 。

當 事 人 沒 有 在 意 ， 我 卻 記 得 曹 永 廉 父 親 本 經 營 假 髮 生 意 ， 結 果 被 潮 流 淘 汰 。 兜 了 個 大 圈 ， 兒 子 這 樣 「 繼 承 父 業 」 ， 雖 然 ， 中 間 有 空 白 的 兩 年 ， 完 全 無 工 作 無 收 入 ， 卡 數 滾 存 超 過 十 萬 。 「 有 段 時 間 ， 真 係 諗 過 轉 行 做 地 產 經 紀 ， 再 唔 轉 ， 實 餓 死 ； 點 知 每 次 到 極 限 ， 又 總 會 有 工 開 ， 收 一 萬 兩 萬 ， 吊 住 條 命 。

「 十 幾 萬 ， 我 心 諗 做 一 個 藝 人 ， 無 可 能 衰 到 十 幾 萬 都 還 唔 到 ？ 原 來 ， 真 係 可 以 還 唔 到 。 好 彩 後 來 拍 到 《 妙 手 仁 心 》 ， 至 勉 強 算 還 得 晒 。 」

頭 髮 濃 密 的 曹 永 廉 接 拍 了 織 髮 產 品 廣 告 ， 事 實 上 ， 他 更 加 應 該 飾 演 安 信 兄 弟 。