Freeze 一 到 場 ， 即 刻 自 動 波 剝 衫 俾 記 者 影 相 ， 反 而 企 側 邊 王 浩 信 （ 圖 左 ） ， 由 頭 包 到 落 腳 ， 仲 錫 身 過 女 人 。
多 重 打 底 現 身 ， JJ 人 氣 旺 玩 錫 身 ， 落 水 時 更 面 有 難 色 ， 笑 容 勉 強 。
石 詠 莉 震 乳 上 水 飄 表 現 落 力 ， 反 而 陳 樂 榣 把 口 不 斷 嗌 好 驚 ， 但 居 然 仲 識 V 晒 手 影 相 ， 問 你 服 未 ！做 完 台 慶 ， 又 輪 到 《 歡 樂 滿 東 華 》 接 力 上 場 。 籌 款 項 目 除 粵 曲 大 戲 ， 今 年 加 插 藝 員 水 著 環 節 ， 要 佢 著 住 泳 裝 ， 水 面 踩 浮 板 鬥 快 跑 去 終 點 。 為 慈 善 濕 身 ， 上 個 禮 拜 五 晚 （ 廿 三 日 ） ， 一 眾 藝 員 去 到 葵 涌 泳 池 進 行 錄 影 。 「 整 容 三 嬌 」 Freeze 隨 傳 隨 到 ， 一 到 場 更 加 自 動 波 剝 衫 ， 反 而 男 歌 手 王 浩 信 同 王 友 良 ， 胸 前 兩 點 相 當 珍 貴 ， 背 心 短 褲 包 到 實 ， 慌 死 俾 人 睇 蝕 。 到 埋 位 落 水 比 併 ， Freeze 全 程 胸 震 泳 池 ， 把 口 大 嗌 好 驚 ， 但 仲 識 企 浮 板 上 面 V 晒 手 搏 影 相 。
輪 到 近 期 靠 做 「 味 之 天 使 」 谷 人 氣 JJ 賈 曉 晨 落 水 ， 泳 衣 打 底 外 面 仲 要 加 low-cut 同 牛 仔 褲 ， 錫 身 唔 在 講 ， 臨 落 水 前 仲 面 有 難 色 。 主 持 人 吳 家 樂 即 刻 加 把 嘴 ： 「 你 唔 係 唔 方 便 呀 ！ 唔 通 俾 我 估 中 ！ 」 後 來 JJ 尷 尷 尬 尬 同 番 記 者 解 釋 ： 「 其 實 我 今 日 染 過 頭 髮 ， 驚 掂 到 泳 池 水 甩 色 ！ 」 一 句 到 尾 ， 個 人 紅 ， 當 然 惜 「 肉 」 如 金 啦 ！
