余 文 樂 在 印 度 除 了 見 大 寶 法 王 ， 在 街 頭 亦 遇 到 唔 少 貧 困 的 人 ， 並 因 此 改 變 了 人 生 觀 。
一 年 拍 七 部 戲 的 余 文 樂 雖 然 早 前 已 請 了 四 日 假 到 印 度 散 心 ， 但 日 前 拍 戲 時 仍 一 臉 倦 容 。
拍 攝 途 中 忽 然 有 位 印 巴 人 士 踩 場 要 同 樂 仔 合 照 ， 到 爆 的 他 完 全 無 反 應 ， 樊 少 皇 則 笑 到 四 萬 咁 口 。
之 前 拍 戲 拍 到 周 身 傷 、 殘 晒 的 余 文 樂 ， 曾 揚 言 唔 再 拍 動 作 片 ， 但 其 經 理 人 公 司 藝 能 卻 好 少 理 ， 搞 到 樂 仔 終 於 頂 唔 順 ， 假 走 人 。 在 印 度 見 過 大 寶 法 王 後 ， 樂 仔 返 港 第 一 時 間 搵 經 理 人 張 國 忠 講 數 ， 強 烈 要 求 ， 唔 再 爛 做 。
到 甩 轆
余 文 樂 自 從 專 注 影 壇 發 展 後 ， 過 去 一 年 連 拍 七 部 戲 ， 錢 賺 唔 少 ， 但 由 於 大 部 分 戲 都 有 動 作 場 面 ， 打 到 樂 仔 甩 皮 甩 骨 ， 拍 《 男 兒 本 色 》 時 拍 到 拗 柴 ， 辛 苦 到 他 講 明 唔 想 再 拍 打 戲 。
諗 住 拍 《 塚 愛 》 這 類 驚 慄 片 ， 以 為 唔 使 打 有 得 抖 ， 點 知 眼 見 對 手 Stephy 鄧 麗 欣 拍 戲 嘔 完 要 食 番 嘔 吐 物 ， 搞 到 樂 仔 都 想 嘔 埋 一 份 ， 加 上 無 法 即 時 抽 離 角 色 ， 試 過 返 到 屋 企 會 閂 埋 房 門 狂 喊 ， 好 辛 苦 。
請 假 去 印 度
拍 戲 拍 到 得 番 半 條 人 命 ， 正 為 今 年 最 後 一 部 電 影 《 青 苔 》 （ 暫 名 ） 趕 工 的 樂 仔 ， 精 神 同 體 力 均 受 盡 壓 力 ， 幾 近 崩 潰 ， 他 於 是 向 劇 組 請 假 四 日 ， 約 埋 楊 小 娟 、 呂 良 偉 同 吳 鎮 宇 飛 去 印 度 回 氣 及 見 第 十 七 世 大 寶 法 王 。
「 去 之 前 好 多 想 問 大 師 ， 想 知 係 咪 應 該 接 咁 多 戲 ， 係 咪 應 該 有 選 擇 ， 但 去 到 當 地 見 到 有 好 多 貧 困 小 朋 友 ， 自 己 反 而 諗 通 好 多 ！ 」 同 行 的 楊 小 娟 亦 說 ： 「 我 見 到 大 寶 法 王 ， 唔 講 佢 已 經 知 我 想 問 咩 ， 佢 叫 我 要 修 心 ， 因 為 心 唔 好 ， 做 咩 都 冇 用 。 」
據 知 樂 仔 返 港 後 曾 約 經 理 人 張 國 忠 訴 苦 ， 兩 個 人 三 口 六 面 傾 掂 數 ， 以 後 不 再 瘋 狂 接 戲 ， 爭 取 時 間 休 息 同 陪 屋 企 人 。
片 場 發 呆
上 週 四 晚 （ 十 二 月 六 日 ） ， 未 抖 夠 的 樂 仔 繼 續 為 新 戲 《 青 苔 》 開 工 ， 戲 內 飾 演 警 察 的 他 ， 要 演 出 連 場 飛 車 同 打 鬥 槍 戰 戲 份 ， 當 晚 他 要 扮 放 蛇 同 「 大 佬 」 廖 啟 智 講 數 ， 最 後 被 殺 手 樊 少 皇 埋 伏 開 槍 ， 搞 到 要 飛 車 逃 亡 。
每 逢 遠 鏡 ， 劇 組 用 替 身 代 樂 仔 上 陣 ， 不 過 拍 近 鏡 時 ， 他 的 殘 樣 依 然 無 所 遁 形 。 現 場 有 影 迷 踩 場 要 求 合 照 ， 樂 仔 都 呆 一 呆 先 識 反 應 ， 睇 樂 仔 真 係 要 停 一 停 抖 一 抖 ！
大 寶 法 王
第 十 七 世 大 寶 法 王 噶 瑪 巴 鄔 金 欽 列 多 傑 ， 原 名 叫 阿 波 嘎 嘎 ， 85 年 在 東 藏 遊 牧 民 族 家 庭 出 生 ， 92 年 被 認 證 為 59 年 之 後 ， 西 藏 史 上 的 領 導 上 師 ， 亦 是 史 上 第 一 位 被 大 陸 政 府 承 認 的 轉 世 喇 嘛 。 後 來 他 出 走 到 印 度 ， 現 居 印 度 達 蘭 沙 拉 上 密 院 。
由 於 大 寶 法 王 精 通 英 語 、 國 語 ， 所 以 和 各 地 信 徒 溝 通 全 無 難 度 ， 不 少 圈 中 人 亦 親 往 印 度 朝 聖 。
之 前 因 郭 台 銘 介 入 ， 搞 到 差 點 與 梁 朝 偉 分 手 的 劉 嘉 玲 ， 亦 曾 跟 偉 仔 齊 飛 往 印 度 見 大 寶 法 王 。
