忙 於 為 《 赤 壁 》 埋 尾 的 偉 仔 ， 稍 後 還 要 返 回 北 京 為 《 赤 》 片 進 行 補 拍 。
週 一 偉 仔 漏 夜 返 港 ， 對 於 搬 屋 一 事 ， 借 耳 機 扮 聽 歌 ， 黑 面 一 句 都 唔 答 。
11 月 新 屋 外 牆 裝 修 已 經 搞 掂 ， 但 室 內 工 程 仍 未 完 工 。
9 月年 初 ， 劉 嘉 玲 高 調 同 台 灣 首 富 郭 台 銘 「 行 埋 」 ， 身 為 男 友 的 梁 朝 偉 ， 全 程 保 持 緘 默 ， 最 終 女 友 「 棄 台 投 偉 」 返 回 身 邊 。
為 免 這 段 十 八 年 情 再 有 差 池 ， 嘉 玲 使 出 搬 屋 箍 煲 絕 招 ， 成 功 游 說 男 友 入 住 山 頂 和 福 道 四 千 八 百 呎 獨 立 屋 築 愛 巢 ， 重 過 新 生 活 。
新 屋 裝 修 日 夜 趕 工 ， 週 一 （ 二 十 六 日 ） 嘉 玲 已 開 始 收 拾 細 軟 ， 進 駐 新 居 ， 而 正 在 北 京 為 《 赤 壁 》 趕 戲 的 偉 仔 ， 在 女 友 一 聲 令 下 ， 唯 有 停 工 漏 夜 返 港 ， 配 合 女 友 在 十 二 月 八 日 牛 一 前 進 駐 新 屋 的 大 計 。
千 依 百 順
劉 嘉 玲 同 郭 台 銘 一 度 打 得 火 熱 ， 身 為 枕 邊 人 的 梁 朝 偉 ， 全 程 保 持 沉 默 ， 即 使 對 方 一 度 公 開 發 表 對 嘉 玲 的 「 愛 的 宣 言 」 ， 依 然 靜 如 深 海 粒 聲 都 無 。 後 來 同 郭 台 銘 「 玩 完 」 ， 嘉 玲 為 免 再 有 任 何 差 池 ， 極 力 游 說 偉 仔 ， 搬 入 在 ○ 六 年 以 七 千 二 百 萬 購 入 、 位 於 山 頂 和 福 道 的 四 千 八 百 呎 獨 立 屋 ， 一 於 用 「 家 」 箍 實 這 段 廿 年 情 。
其 實 ， 自 嘉 玲 「 棄 台 投 偉 」 後 ， 一 向 千 依 百 順 的 偉 仔 ， 對 女 友 更 是 永 不 say no ， 像 今 年 七 月 ， 《 赤 壁 》 正 值 趕 工 ， 一 向 工 作 至 上 的 他 依 然 請 假 陪 同 女 友 前 往 印 度 會 見 十 七 世 大 寶 法 王 ， 到 上 月 ， 又 再 請 假 到 「 金 雞 獎 」 撐 場 ， 賀 女 友 最 佳 女 主 角 。 至 於 今 次 為 了 嘉 玲 在 十 二 月 八 日 生 日 前 進 駐 新 屋 ， 亦 在 《 赤 》 片 水 深 火 熱 期 間 ， 漏 夜 返 港 ， 進 行 搬 屋 大 計 ， 慘 到 無 倫 。
雪 櫃 過 大
山 頂 豪 宅 經 過 兩 個 月 日 夜 趕 工 ， 屋 外 的 棚 架 已 經 拆 卸 ， 翻 新 過 的 外 牆 更 見 雪 白 ， 而 屋 內 的 工 人 亦 忙 於 清 理 裝 修 後 的 廢 物 。 而 正 在 協 助 嘉 玲 打 點 裝 修 事 項 的 友 人 ， 一 見 有 陌 生 人 出 現 即 上 前 驅 趕 ： 「 我 知 你 係 邊 個 （ 記 者 ） ， 呢 度 係 私 人 地 方 ， 請 你 快 離 開 ！ 」
週 一 （ 廿 六 日 ） 下 午 二 時 許 ， 搬 運 公 司 車 隊 陸 續 抵 達 嘉 玲 租 住 ， 位 於 黃 泥 涌 峽 道 的 利 安 閣 寓 所 ， 逗 留 個 多 小 時 ， 隨 即 向 和 福 道 的 新 居 進 發 。 抵 達 後 ， 嘉 玲 的 助 手 正 在 門 外 打 點 一 切 ， 但 並 未 見 女 主 人 現 身 。 而 屋 苑 內 工 人 正 忙 於 用 吊 機 車 搬 運 四 十 八 吋 闊 、 價 值 八 萬 五 千 元 的 名 牌 雪 櫃 Sub-Zero 。 由 於 雪 櫃 體 積 龐 大 ， 近 十 名 搬 運 工 人 花 了 接 近 兩 小 時 仍 未 能 順 利 將 雪 櫃 運 抵 屋 內 。 下 午 四 時 許 ， 女 主 人 嘉 玲 終 於 從 屋 內 走 到 屋 苑 視 察 雪 櫃 的 搬 運 情 況 ， 雖 然 雪 櫃 未 能 成 功 入 屋 ， 但 完 全 無 影 響 她 進 駐 新 屋 的 心 情 ， 在 門 外 與 友 人 有 講 有 笑 。
嘉 玲 豪 擲 八 萬 五 買 巨 型 雪 櫃 ， 由 於 闊 四 十 八 吋 ， 花 了 兩 個 多 小 時 都 未 能 順 利 搬 入 屋 。 至 於 在 旁 視 察 的 嘉 玲 卻 闊 佬 懶 理 ， 未 等 到 雪 櫃 入 屋 ， 便 返 回 利 安 閣 。
女 人 獨 大
劉 嘉 玲 和 梁 朝 偉 相 處 了 十 八 個 年 頭 ， 其 間 經 歷 過 不 少 風 浪 ， 不 過 近 年 嘉 玲 對 偉 仔 的 管 束 愈 來 愈 嚴 ， 霸 氣 十 足 ， 令 甚 少 出 聲 的 偉 仔 顯 得 更 加 小 男 人 。
無 飯 食
今 年 十 月 在 蘇 州 舉 行 的 金 百 花 獎 ， 衣 錦 還 鄉 的 嘉 玲 ， 以 代 言 人 的 身 份 兼 得 影 后 ， 成 了 整 個 頒 獎 禮 的 風 頭 躉 。 為 了 賀 嘉 玲 封 后 ， 偉 仔 放 下 《 赤 壁 》 的 拍 戲 工 作 陪 同 出 席 。 做 足 成 晚 陪 襯 的 偉 仔 ， 餓 到 胃 痛 ， 在 慶 功 宴 上 要 先 問 嘉 玲 「 可 唔 可 以 食 」 ， 點 知 嘉 玲 一 句 「 忍 先 」 ， 有 得 睇 無 得 食 。
啞 忍 情 敵
去 年 尾 ， 嘉 玲 高 調 和 台 灣 富 商 郭 台 銘 去 飲 宴 ， 傳 出 緋 聞 之 後 ， 兩 人 仍 不 避 嫌 出 雙 入 對 ， 更 把 臂 同 遊 海 南 島 。 之 後 郭 台 銘 高 調 向 嘉 玲 示 愛 ， 擺 明 撬 偉 仔 牆 腳 ， 又 揶 揄 對 方 。 對 女 友 的 緋 聞 ， 偉 仔 一 直 啞 忍 。
買 樓 無 份
投 資 有 道 的 嘉 玲 ， 去 年 動 用 七 千 多 萬 ，買 入 山 頂 和 福 道 獨 立 屋 ， 雖 然 偉 仔 都 有 份 住 ， 但 原 來 由 搵 屋 到 成 交 ， 都 是 嘉 玲 一 人 話 晒 事 ， 偉 仔 無 得 say No 。 至 於 新 居 的 裝 修 和 設 計 ， 全 部 跟 足 嘉 玲 的 意 思 。
未 完 工 先 入 住
《 赤 壁 》 的 拍 攝 接 近 尾 聲 ， 但 礙 於 重 頭 戲 火 燒 連 環 船 一 幕 ， 因 風 勢 影 響 ， 遲 遲 未 能 完 工 ， 但 為 配 合 女 友 搬 屋 大 計 ， 偉 仔 唯 有 請 假 返 港 。
週 一 （ 二 十 六 日 ） 晚 上 十 一 時 ， 一 身 黑 衣 打 扮 的 偉 仔 返 抵 香 港 ， 在 閘 口 時 見 有 記 者 守 候 顯 得 相 當 不 悅 ， 對 記 者 提 問 先 是 一 呆 ， 然 後 繼 續 聽 歌 ， 急 步 離 開 ， 對 搬 屋 一 事 絕 口 不 提 。
週 二 （ 二 十 七 日 ） 下 午 ， 和 福 道 大 宅 繼 續 有 搬 運 工 人 ， 將 包 好 的 家 品 運 送 入 屋 ， 而 二 樓 亦 有 傭 人 忙 於 抹 窗 清 潔 ， 但 奇 就 奇 在 ， 單 位 一 樓 居 然 未 裝 上 燈 飾 ， 接 駁 電 燈 的 電 線 全 部 外 露 ， 甚 至 牆 身 亦 未 有 髹 油 。 裙 拉 褲 甩 趕 住 搬 屋 ， 爛 屋 一 間 仍 堅 持 要 在 四 十 二 歲 生 日 前 入 伙 ， 仲 要 迫 男 友 停 工 返 港 搬 屋 ， 為 乜 呢 ？
雪 櫃 私 有 化
向 來 識 享 受 的 劉 嘉 玲 ， 為 了 布 置 新 居 ， 不 惜 大 灑 金 錢 ， 添 置 高 科 技 電 器 用 品 ， 她 更 跟 貼 荷 李 活 明 星 的 家 居 潮 流 ， 豪 擲 八 萬 五 千 元 ， 購 入 美 國 名 牌 雪 櫃 Sub-Zero 。
據 了 解 ， 嘉 玲 所 選 購 的 Sub-Zero600 系 列 雪 櫃 ， 是 雙 壓 縮 機 的 全 鋼 雪 櫃 ， 內 置 自 動 製 冰 機 。 最 獨 特 之 處 ， 是 可 以 度 身 訂 造 ， 所 以 住 在 美 國 比 華 利 山 的 荷 李 活 明 星 ， 包 括 麥 當 娜 、 畢 彼 特 等 ， 幾 乎 個 個 都 有 一 部 ， 而 小 小 超 李 澤 楷 ， 一 早 已 是 用 家 。
