1.7 億 愛 巢 
去 到 誠 品 書 店 ， 嘉 欣 搵 唔 到 育 嬰 指 南 ， 即 轉 攻 室 內 設 計 書 籍 ， 為 新 居 裝 修 作 準 備 。
27/11人 在 台 灣 的 嘉 欣 ， 雖 然 見 到 記 者 即 刻 唔 出 街 ， 但 仍 笑 笑 口 回 應 與 老 爺 奶 奶 不 和 傳 聞 。
得 到 老 爺 奶 奶 歡 心 ， 明 年 「 嘉 亨 戀 」 將 修 成 正 果 ， 還 會 舉 行 盛 大 婚 禮 ， 風 光 入 門 。「 嘉 亨 戀 」 自 今 年 六 月 被 踢 爆 於 美 國 秘 密 結 婚 後 ， 李 嘉 欣 便 不 斷 被 追 問 婚 訊 傳 聞 ， 雖 然 「 許 太 」 笑 晒 口 默 認 已 為 人 妻 ， 但 外 界 一 直 唔 多 睇 好 ， 更 有 報 導 指 亨 亨 與 前 妻 何 超 瓊 未 搞 好 離 婚 手 續 ， 甚 至 有 傳 嘉 欣 未 獲 老 爺 奶 奶 接 受 入 門 。
不 過 事 實 歸 事 實 ， 經 過 一 年 時 間 相 處 ， 嘉 欣 終 於 獲 得 許 家 認 同 ， 老 爺 許 世 勳 更 於 今 年 七 月 ， 送 出 價 值 1.7 億 ， 位 於 中 半 山 超 級 豪 宅 「 曉 廬 」 的 相 連 七 千 呎 單 位 ， 給 兒 子 及 未 來 新 抱 作 為 結 婚 禮 物 ， 明 年 三 月 補 辦 註 冊 手 續 後 ， 更 會 齊 齊 搬 入 新 屋 ， 努 力 造 人 。
本 週 二 （ 十 一 月 二 十 七 日 ） ， 本 刊 到 台 灣 追 訪 「 許 太 」 嘉 欣 ， 她 接 受 訪 問 時 ， 言 語 間 透 露 同 老 爺 奶 奶 感 情 要 好 ， 「 大 家 時 間 好 寶 貴 ， 如 果 唔 開 心 ， 點 會 一 齊 食 飯 ！ 」 恭 喜 晒 ！
準 備 生 B
本 週 二 （ 十 一 月 二 十 七 日 ） ， 李 嘉 欣 應 國 際 品 牌 Fendi 邀 請 ， 飛 到 台 灣 出 席 宣 傳 活 動 ， 為 要 養 足 精 神 ， 嘉 欣 與 其 姐 及 經 理 人 提 早 一 晚 抵 達 台 灣 。 落 機 後 ， 嘉 欣 未 有 即 時 到 酒 店 休 息 ， 反 而 先 到 日 本 餐 廳 用 膳 ， 匆 匆 醫 肚 後 ， 又 立 即 坐 車 趕 往 敦 化 南 路 的 誠 品 書 店 。 到 後 ， 嘉 欣 第 一 時 間 水 牌 ， 追 查 育 嬰 書 籍 的 層 數 ， 當 知 道 已 經 關 門 時 ， 即 表 現 得 十 分 失 望 。
據 知 ， 嘉 欣 自 從 同 亨 亨 相 戀 後 ， 人 生 計 劃 便 一 百 八 十 度 轉 變 ， 一 直 堅 持 唔 會 結 婚 生 仔 的 她 ， 在 亨 亨 多 番 游 說 下 ， 「 造 人 大 計 」 終 決 定 在 明 年 進 行 ， 近 月 更 積 極 增 肥 ， 為 生 仔 大 計 作 好 準 備 ， 連 身 在 外 地 ， 也 要 搶 購 BB 書 ， 證 明 嘉 欣 今 次 事 在 必 行 。
「 嘉 欣 好 鍾 意 食 零 食 ， 為 生 BB ， 除 日 日 做 運 動 外 ， 連 零 食 都 戒 埋 ， 後 來 Julian 話 佢 太 瘦 ， 佢 先 肥 番 少 少 。 搬 新 屋 ， 生 BB 都 係 佢 計 劃 。 」 知 情 者 說 。 嘉 欣 想 要 BB ， 身 邊 不 少 朋 友 都 知 道 ， 早 前 出 席 Valentino 新 店 活 動 ， 便 刻 意 露 口 風 ， 轉 想 生 仔 ： 「 今 日 可 能 Plan A ， 聽 日 可 能 係 Plan B ， 人 生 去 到 唔 同 階 段 ， 就 有 唔 同 改 變 。 」
裝 修 愛 巢
買 唔 成 BB 書 ， 嘉 欣 轉 到 書 店 二 樓 ， 雖 然 已 是 晚 上 十 一 時 ， 但 書 店 內 依 然 逼 滿 人 ， 不 少 人 向 嘉 欣 眼 望 望 ， 但 她 一 於 少 理 ， 熟 悉 地 走 到 擺 放 室 內 設 計 書 的 書 架 ， 隨 手 起 幾 本 關 於 裝 修 的 書 籍 ， 其 間 不 斷 詢 問 經 理 人 陳 善 之 意 見 ， 正 好 反 映 嘉 欣 為 迎 接 她 跟 亨 亨 的 豪 宅 愛 巢 作 出 準 備 。 除 室 內 設 計 書 外 ， 她 又 不 停 翻 閱 關 於 補 身 湯 水 書 籍 ， 看 得 入 迷 之 際 ， 忽 然 發 現 有 傳 媒 拍 照 ， 才 急 急 放 下 書 本 走 人 ， 空 手 返 回 下 榻 酒 店 。
老 爺 由 唔 錫 到 接 受
06 年 6 月
李 嘉 欣 36 歲 生 日 當 晚 ， 「 嘉 亨 戀 」 正 式 曝 光 ， 不 過 有 指 二 人 拍 拖 未 夠 兩 個 月 ， 因 得 不 到 許 世 勳 夫 婦 認 同 ， 便 極 速 分 手 。
06 年 12 月
許 晉 亨 帶 李 嘉 欣 ， 首 次 陪 同 父 母 到 馬 場 ， 能 夠 出 席 家 人 聚 會 ， 嘉 欣 的 女 朋 友 身 份 正 式 被 許 家 認 同 。
07 年 6 月
傳 出 在 李 嘉 欣 37 歲 生 日 當 天 ， 許 晉 亨 在 美 國 秘 密 製 造 浪 漫 場 面 ， 跟 嘉 欣 慶 祝 生 日 兼 求 婚 成 功 ， 回 港 時 嘉 欣 無 名 指 上 戴 了 一 隻 巨 型 鑽 戒 ， 7 月 再 傳 出 許 世 勳 夫 婦 送 了 兩 個 價 值 逾 億 的 「 曉 廬 」 相 連 單 位 作 為 結 婚 禮 物 ， 不 過 未 經 當 事 人 證 實 。
07 年 9 月
再 有 消 息 傳 出 嘉 欣 被 許 家 嫌 棄 ， 預 先 宣 布 會 同 老 爺 爺 奶 奶 共 度 中 秋 的 她 ， 卻 未 有 出 席 許 家 在 褔 臨 門 的 「 團 圓 飯 」 ， 她 自 稱 當 日 要 慶 祝 92 歲 婆 婆 生 日 ， 所 以 臨 時 甩 底 。
07 年 11 月
經 過 一 年 半 時 間 ， 嘉 欣 終 獲 得 許 家 上 下 認 同 ， 她 更 默 認 獲 得 老 爺 奶 奶 送 上 豪 宅 。
老 爺 送 豪 宅
其 實 早 前 已 有 消 息 指 許 世 勳 夫 婦 將 山 頂 司 徒 拔 道 豪 宅 「 曉 廬 」 ， 其 中 兩 個 市 值 一 億 七 千 萬 的 高 層 單 位 ， 送 給 「 嘉 亨 」 作 為 結 婚 禮 物 ， 嘉 欣 亦 開 始 計 劃 如 何 裝 修 新 居 ， 據 知 ， 她 打 算 將 兩 個 相 連 單 位 打 通 ， 變 為 七 千 多 呎 的 巨 型 愛 巢 。
「 今 年 生 日 嘉 欣 答 應 同 Julian 結 婚 ， 所 以 佢 想 明 年 生 日 前 搬 入 新 屋 ， 用 另 一 個 身 份 同 Julian 一 齊 過 生 日 ， 不 過 間 屋 咁 大 最 快 都 要 裝 修 半 年 ， 加 上 嘉 欣 對 新 居 裝 修 要 求 好 高 ， 所 有 傢 俬 同 顏 色 都 要 符 合 佢 要 求 ， 搵 唔 到 就 寧 願 等 ， 所 以 半 年 內 搞 掂 晒 都 幾 趕 ！ 」 知 情 人 說 。
老 爺 政 策
唔 少 女 星 嫁 入 豪 門 都 會 行 老 爺 政 策 ， 為 了 得 到 夫 家 認 許 ， 做 盡 新 抱 本 分 ， 以 各 種 方 法 老 爺 奶 奶 歡 心 。
徐 子 淇
徐 子 淇 自 小 獲 母 親 栽 培 ， 跟 恒 基 二 少 李 家 誠 拍 拖 後 即 變 得 千 依 百 順 ， 為 了 早 日 嫁 入 豪 門 ， 過 年 過 節 必 定 慰 問 老 爺 李 兆 基 ， 更 唔 介 意 做 多 仔 婆 ， 答 應 老 爺 六 年 抱 四 ， 難 怪 拍 拖 年 多 已 能 順 利 袋 四 億 入 豪 門 。
黎 瑞 恩
黎 瑞 恩 於 ○ 二 年 與 金 利 來 太 子 爺 曾 智 明 註 冊 結 婚 ， 並 於 ○ 三 年 一 月 大 宴 親 朋 。 由 於 有 傳 黎 瑞 恩 因 歌 手 關 係 ， 一 度 被 曾 智 明 父 母 阻 止 交 往 ， 為 了 嫁 入 豪 門 ， 她 拍 拖 後 即 淡 出 娛 樂 圈 ， 並 斷 絕 與 藝 人 來 往 ， 兼 轉 行 任 保 險 ， 最 終 獲 得 老 爺 曾 憲 梓 認 同 。
吳 婉 芳
吳 婉 芳 八 六 年 奪 得 港 姐 亞 軍 後 即 加 入 娛 樂 園 ， 其 後 與 律 師 行 太 子 爺 胡 家 驊 結 婚 ， 婚 後 吳 婉 芳 即 退 出 娛 樂 園 ， 為 了 掂 老 爺 胡 寶 星 ， 還 全 力 替 家 族 打 理 日 本 料 理 餐 廳 ， 專 心 相 夫 教 子 。
明 年 搬 新 屋
本 週 二 （ 二 十 七 日 ） ， 嘉 欣 趁 出 席 記 者 會 前 ， 打 算 外 出 行 街 ， 但 在 酒 店 大 堂 撞 見 記 者 後 ， 即 打 消 念 頭 折 返 房 間 。
有 指 她 跟 老 爺 奶 奶 關 係 麻 麻 ， 過 去 曾 多 次 傳 出 許 世 勳 夫 婦 對 她 諸 多 不 滿 ， 又 話 腳 頭 唔 好 拖 累 老 爺 輸 馬 ， 與 及 同 檯 食 飯 不 歡 而 散 ， 嘉 欣 面 對 種 種 指 責 ， 終 於 忍 不 住 開 腔 ： 「 如 果 食 飯 真 係 食 完 會 黑 面 ， 就 唔 會 一 齊 食 啦 ！ 大 家 時 間 好 寶 貴 ， 如 果 唔 開 心 ， 點 會 一 齊 食 飯 ！ 」
明 年 正 式 做 許 太 ， 搬 入 司 徒 拔 道 曉 廬 ， 嘉 欣 笑 著 默 認 ： 「 堪 輿 學 家 話 我 下 年 會 搬 屋 ， 咁 我 都 幾 信 堪 輿 學 家 說 話 ！ 」
曉 廬
於 ○ 三 年 落 成 的 豪 宅 曉 廬 ， 由 許 世 勳 家 族 的 香 港 中 建 企 業 集 團 持 有 ， 位 於 港 島 東 半 山 司 徒 拔 道 ， 樓 高 七 十 三 層 ， 單 位 面 積 全 都 是 三 千 多 呎 的 大 單 位 ， 現 時 呎 價 約 一 萬 七 千 元 。 而 有 傳 許 世 勳 送 給 李 嘉 欣 和 許 晉 亨 的 愛 巢 ， 是 兩 個 獨 立 單 位 ， 打 通 後 面 積 達 七 千 五 百 多 呎 ， 現 市 值 約 1.7 億 。 老 爺 奶 奶 送 的 結 婚 大 禮 豪 宅 ， 市 值 一 億 七 千 萬 ， 嘉 欣 計 劃 明 年 入 伙 。
