齋睇相真係差認唔出佢，臉頰現出六條摺紋，加埋堆粒粒，十足縮水氣球，27歲咋喎，咁快未老先衰呀！ 負面新聞一籮籮蔡依林（Jolin），近日連周杰倫亦向佢發炮，踢爆佢唱片銷量報大數，一對舊戀人，正式反目。 最慘係「G奶」似有難言之隱，死都唔講唱片銷量，令篤數疑雲愈描愈黑，天后慘變吹水怪！ 篤數醜聞令Jolin備受壓力，加上早排苦練鋼管舞谷新碟，為操Fit身形瘋狂節食，多重壓力下有傳佢患上厭食症，一係成日唔食，一係飲咖啡提神就當一餐，不單健康大受影響，就連俏臉亦嚴重走樣。上週三（7日）出席《勁歌》時，蔡依林一笑，臉頰竟爆出六條摺紋，極盡驚嚇……
