舊 年 Yumiko 在 「 東 華 」 甩 褲 惹 來 全 城 哄 動 。
日 前 在 活 動 上 ， 周 汶 錡 特 登 遲 到 避 與 Yumiko 同 場 出 現 ， 點 知 大 會 公 關 又 靜 雞 雞 安 排 合 照 ， 結 果 兩 人 要 say hi 扮 friend 。 （ 《 蘋 果 日 報 》 圖 片 ）
一 個 人 練 習 飄 移 技 巧 的 Yumiko ， 自 言 不 想 被 周 汶 錡 的 是 是 非 非 影 響 表 現 。
你 假 面 人 ！ （ 設 計 對 白 ） 你 甩 褲 ！ （ 設 計 對 白 ）
（ 《 蘋 果 日 報 》 圖 片 ）
去 年 因 為 《 歡 樂 滿 東 華 》 搞 到 空 中 飛 甩 褲 而 哄 動 全 城 的 鄭 希 怡 （ Yumiko ） ， 今 年 再 戰 難 度 ， 於 週 六 （ 十 二 月 八 日 ） 夥 拍 名 模 周 汶 錡 （ Kathy ） 演 出 籌 款 項 目 「 超 級 希 錡 勁 飄 移 」 ， 雖 然 做 足 安 全 措 施 ， 人 為 「 意 外 」 依 然 難 免 。 慈 善 騷 未 開 始 ， 已 經 俾 拍 檔 周 汶 錡 咬 住 唔 放 ， 將 Yumiko 甩 褲 事 件 擺 上 檯， 揶 揄 對 方 一 夜 成 名 之 外 ， 出 席 活 動 時 又 刻 意 拖 延 時 間 ， 令 等 她 合 照 的 Yumiko 尷 尬 出 醜 。
一 心 為 慈 善 唔 想 搞 大 件 事 的 Yumiko ， 日 前 接 受 本 刊 訪 問 時 ， 終 於 忍 無 可 忍 ， 出 聲 還 拖 ： 「 如 果 佢 要 做 宣 傳 做 到 咁 盡 ， 我 都 冇 辦 法 。 」
搵 中 間 人 解 畫
有 「 是 非 精 」 之 稱 的 周 汶 錡 ， 雖 然 跟 Yumiko 不 相 熟 亦 從 未 合 作 過 ， 但 為 免 曾 因 甩 褲 ， 以 致 技 驚 四 座 的 Yumiko 今 年 又 有 奇 招 ， 於 是 落 定 大 閘 主 動 發 表 不 要 跟 Yumiko 一 樣 甩 褲 成 名 言 論 。 出 完 口 術 ， Kathy 又 玩 失 蹤， 第 一 次 排 練 ， 竟 突 然 通 知 無 改 時 間 ， 避 與 Yumiko 同 場 彩 排 。
俾 人 咬 住 唔 放 ， 經 歷 過 甩 褲 再 露 點 的 Yumiko 並 未 有 反 擊 ， 只 對 外 聲 稱 一 切 以 慈 善 為 大 前 提 ， 還 替 Kathy 解 釋 ， 叫 大 家 唔 好 多 心 。
表 面 上 ， Yumiko 為 大 局 息 事 寧 人 ， 實 則 原 來 在 有 關 報 導 出 街 後 ， Kathy 曾 經 搵 人 向 Yumiko 傳 話 ， 辯 稱 自 己 俾 人 屈 。
「 中 間 人 同 Yumiko 講 ， Kathy 話 自 己 俾 記 者 屈 ， 叫 佢 唔 好 信 報 導 ， 又 話 自 己 冇 講 過 那 些 說 話 。 Yumiko 都 唔 想 小 事 化 大 ， 到 Kathy 愈 搞 愈 多 ， 佢 先 覺 得 對 方 係 有 心 咁 做 。 」 知 情 者 說 。
拒 同 場 練 習
由 於 兩 人 合 作 飛 車 飄 移 一 定 要 講 默 契 ， 無 於 是 安 排 兩 人 同 一 時 間 練 習 ， 但 Kathy 只 答 應 同 Yumiko 練 習 兩 次 ， 其 餘 時 間 堅 持 自 己 一 個 練 。 另 外 ， 本 來 已 度 好 期 安 排 兩 人 一 齊 拍 宣 傳 片 ， Kathy 又 突 然 反 口 話 唔 拍 ， 搞 到 負 責 的 工 作 人 員 十 分 頭 痛 。
上 週 五 （ 十 一 月 三 十 日 ） ， Yumiko 一 個 人 在 電 視 城 練 習 飄 移 技 術 ， 對 於 拍 檔 周 汶 錡 玩 野， 拒 絕 同 場 練 習 一 事 ， 她 終 於 忍 唔 住 作 出 反 擊 ：
「 本 來 係 安 排 一 齊 練 習 ， 唔 知 點 解 佢 要 一 個 人 練 。 （ 佢 唔 肯 同 你 一 齊 拍 宣 傳 片 ？ ） 之 前 係 講 好 一 齊 拍 ， 最 後 都 係 得 番 我 一 個 ， 我 都 唔 知 咩 事 。 （ 佢 係 咪 搵 中 間 人 同 你 講 ， 話 自 己 係 無 辜 ， 只 係 俾 記 者 屈 ？ ） 我 諗 唔 會 全 部 （ 記 者 ） 都 係 咁 ， 不 過 如 果 佢 要 做 宣 傳 做 到 咁 盡 ， 我 都 冇 辦 法 。 」
玩 玩 到 出 面 ， Kathy 就 繼 續 扮 無 知 ： 「 我 schedule 係 TVB 俾 ， 佢 都 book 晒 我 時 間 。 我 冇 同 佢 練 習 過 ， 不 過 見 到 面 都 唔 會 尷 尬 。 」
火 頭 多
周 汶 錡 近 年 隨 與 連 戰 之 子 連 勝 文 及 富 豪 陳 國 強 傳 緋 聞 ， 亦 由 於 多 次 被 指 整 容 ， 是 非 與 知 名 度 與 日 俱 增 。 她 亦 曾 公 開 寸 爆 死 對 頭 周 倩 圯 、 吳 文 忻 等 ， 牙 齒 痕 多 多 。
周 倩 圯
05 年 ， 是 非 精 名 模 周 倩 圯 忽 然 大 爆 有 模 特 兒 整 容 及 出 席 富 豪 飯 局 ， 矛 頭 直 指 周 汶 錡 ， 周 即 時 反 擊 話 睇 過 有 關 新 聞 都 要 洗 眼 ， 兩 人 其 後 在 公 開 場 合 碰 頭 ， 周 即 掩 面 衝 入 會 場 拒 絕 合 照 ， 當 對 方 透 明 。
吳 文 忻
今 年 2 月 ， 周 汶 錡 一 句 「 覺 得 吳 文 忻 整 容 很 恐 怖 」 而 辣 對 方 ， 雙 方 展 開 罵 戰 ， 吳 文 忻 指 周 唔 認 整 容 是 擘 大 眼 講 大 話 ， 其 老 闆 蕭 定 一 亦 寸 爆 話 ： 「 做 完 唔 肯 認 的 人 ， 我 覺 得 仲 恐 怖 ！ 」
