一 塊 感 應 板 ， 幫 玩 家 操 肌 修 身 兼 練 反 應 ， 原 價 六 百 幾 買 的 話 ， 其 實 抵 到 爛 。
平 衡 力 測 試 可 以 測 出 玩 家 平 時 站 直 時 會 傾 左 或 右 ， 親 身 測 試 ， 竟 然 六 成 力 靠 左 腳 ， 好 傷 腰 ！
Rocky 說 《 Wii Fit 》 遊 戲 設 計 得 好 ， 而 且 會 記 低 幾 時 做 過 運 動 ， 一 開 機 就 知 。
實 教 瑜 伽 雖 然 得 幾 款 動 作 ， 但 難 度 唔 高 ， 動 作 解 釋 夠 全 面 ， 照 做 唔 會 受 傷 。 一 向 招 數 多 多 的 任 天 堂 ， 上 星 期 六 又 再 出 必 殺 技 ， 推 出 集 keep fit 同 玩 樂 元 素 於 一 身 的 健 身 遊 戲 《 Wii Fit 》 ， 內 有 四 十 種 運 動 ， 好 似 瑜 伽 、 掌 上 壓 、 呼 拉 圈 等 ； 定 價 8800 日 圓 （ 約 HK$610 ） ， 日 本 一 早 已 賣 斷 市 ， 香 港 返 到 小 量 貨 ， 炒 到 千 八 ， 照 樣 有 機 迷 追 貨 ， 癲 ！ 講 到 可 以 修 身 keep fit 練 大 隻 ， 實 情 如 何 ？ 搵 來 大 隻 港 男 兼 健 身 教 練 Rocky ， 以 及 瑜 伽 教 練 Heidy 試 玩 ， 都 大 讚 「 真 係 work ！ 」
一 板 多 玩
其 實 遊 戲 半 年 前 已 在 美 國 E3 遊 戲 展 亮 相 ， 當 時 已 被 全 球 傳 媒 狂 煲 。 機 迷 在 新 聞 組 講 足 半 年 ， 全 因 玩 法 前 無 古 人 。 跟 機 有 一 塊 感 應 板 ， 玩 家 企 上 板 後 ， 可 以 感 應 左 右 重 心 移 動 。 遊 戲 多 達 四 十 種 ， 分 成 四 類 ： 瑜 伽 、 操 肌 、 消 脂 及 練 平 衡 。 以 玩 瑜 伽 為 例 ， 畫 面 show 動 作 ， 玩 家 就 要 企 在 板 上 跟 住 做 。 由 於 感 應 板 可 以 測 量 左 右 腳 重 心 分 布 ， 所 以 平 衡 動 作 跟 得 足 唔 足 ， 穩 唔 穩 定 ， 一 樣 計 到 。
另 外 ， 遊 戲 一 開 始 ， 玩 家 首 先 要 為 自 己 建 立 一 個 角 色 ， 輸 入 出 生 年 份 、 身 高 ， 然 後 要 先 玩 一 個 體 能 test ， 測 試 你 的 平 衡 力 及 BMI （ 體 重 指 數 ） ， 然 後 記 錄 在 案 ， 以 圖 表 顯 示 每 日 運 動 量 、 修 身 進 程 。 最 緊 要 是 起 初 只 得 十 多 款 遊 戲 ， 玩 得 愈 多 ， 先 可 以 開 埋 其 他 ， 引 你 每 日 玩 。 記 者 搶 先 試 玩 ， 的 確 玩 一 陣 就 心 跳 加 速 、 全 身 冒 汗 ， 而 且 部 分 動 作 要 維 持 肌 肉 在 拉 緊 狀 態 數 秒 ， 即 晚 唔 覺 ， 第 二 朝 醒 先 發 現 全 身 痠 軟 ， 似 做 完 gym ！
埋 牙 試 玩
遊 戲 基 本 上 只 靠 一 塊 板 感 應 重 心 移 動 ， 當 然 可 以 偷 懶 唔 郁 上 半 身 ， 不 過 ， 運 動 量 當 然 不 及 跟 足 畫 面 指 示 全 身 活 動 多 ， 要 減 肥 ， 冇 得 偷 雞 。
派 對 必 備
臨 近 聖 誕 ， 返 屋 企 或 去 上 樓 cafe 開 party ， 想 氣 氛 更 熱 鬧 ， 必 定 要 有 Wii 以 下 最 新 遊 戲 。
奧 運 預 賽 《 Mario & Sonic at the Olympic Games 》
玩 法 ： 化 敵 為 友 後 ， 任 天 堂 同 世 嘉 將 招 牌 角 色 一 同 投 放 入 奧 運 遊 戲 內 ， 比 賽 項 目 極 多 ， 有 賽 跑 、 游 水 、 跳 高 、 跳 遠 、 劍 擊 等 ， 全 部 靠 手 掣 模 擬 真 實 動 作 。 完 成 愈 多 項 目 ， 就 能 開 出 更 多 隱 藏 項 目 ， 四 個 人 玩 ， 鬥 到 天 昏 地 暗 。 玩 家 ： 1-4 人 售 價 ： HK$328
炸 斬 喪 屍 《 Bio Hazard ： Umbrella Chronicles 》
玩 法 ： 串 連 系 列 遊 戲 幾 集 故 事 內 容 ， 不 單 射 喪 屍 突 圍 ， 更 可 以 用 刀 仔 斬 、 掟 手 榴 彈 炸 ， 失 驚 無 神 仲 要 按 指 定 掣 迴 避 突 襲 ， 兩 個 人 玩 ， 實 會 一 齊 嚇 到 狂 嗌 。 玩 家 ： 1-2 人 售 價 ： HK$458查 詢 ： Game Hit 2834 4660
