要 品 嘗 白 松 露 的 鮮 味 ， 一 定 要 出 土 後 廿 日 內 生 食 ， 而 且 仲 要 用 磨 薑 的 刨 ， 有 咁 薄 、 刨 咁 薄 ！ （ 《 飲 食 男 女 》 圖 片 ）
意 大 利 Alba 鎮 上 白 松 露 獵 人 ， 人 人 有 牌 ， 就 連 「 獵 犬 」 都 要 領 牌 。 （ 《 飲 食 男 女 》 圖 片 ） 近 半 世 紀 以 來 全 球 最 大 （ 一 點 五 公 斤 ） 的 白 松 露 （ White Truffle ） 剛 在 澳 門 拍 賣 ， 拍 賣 過 程 仲 要 巴 閉 到 由 人 造 衛 星 直 播 ！ 究 竟 點 解 一 塊 「 灰 灰 黃 黃 菇 菇 」 會 咁 巴 閉 ？
白 松 露 究 竟 係 乜 ？
白 松 露 其 實 同 我 成 日 食 冬 菇 一 樣 ， 屬 於 食 用 菌 類 。 呢 種 菇 ， 有 黑 、 白 之 分 ， 黑 松 露 生 長 於 法 國 同 中 國 等 地 ， 而 白 松 露 的 形 狀 就 不 規 則 ， 有 的 似 薑 ， 亦 有 似 乾 狗 屎 ， 但 全 世 界 只 有 意 大 利 北 部 的 Alba 鎮 獨 有 ， 事 關 只 有 呢 個 地 區 天 氣 同 土 壤 酸 鹼 度 適 合 白 松 露 生 長 。
點 解 咁 矜 貴 ？
負 責 今 次 拍 賣 的 主 辦 單 位 話 ， 呢 種 菇 巴 閉 在 只 能 野 生 ， 絕 對 不 能 夠 人 工 培 植 ， 所 以 年 產 量 唔 會 多 過 三 千 公 斤 ， 只 及 黑 松 露 約 十 分 一 ， 所 以 珍 貴 。 今 年 意 大 利 乾 旱 ， 天 價 的 白 松 露 更 變 成 超 級 天 價 ， 普 通 貨 色 由 去 年 每 公 斤 三 千 五 百 歐 元 （ 約 港 幣 四 萬 元 ） ， 上 升 到 今 年 超 過 七 千 蚊 歐 元 （ 即 約 港 幣 八 萬 元 ） 。 更 何 況 今 次 澳 門 拍 賣 的 是 一 點 五 公 斤 重 的 白 松 露 王 ， 難 怪 譽 為 白 色 鑽 石 ！
點 發 掘 ？
白 松 露 只 會 依 附 橡 樹 、 白 楊 樹 同 柳 樹 的 根 部 生 長 ， 一 般 會 深 藏 地 下 三 、 四 十 厘 米 ， 單 憑 人 類 的 嗅 覺 ， 根 本 無 可 能 發 現 ， 所 以 一 定 要 靠 嗅 覺 靈 敏 的 「 獵 犬 」 幫 助 。 意 大 利 Alba 鎮 全 鎮 二 萬 五 千 名 居 民 中 ， 一 萬 人 係 正 牌 白 松 露 獵 人 ， 專 責 發 掘 白 松 露 ， 靠 白 松 露 發 達 。
白 松 露 味 道 食 落 似 蒜 頭 ， 而 嗅 起 上 來 ， 不 但 有 點 似 麝 香 、 煤 氣 、 樹 木 等 氣 味 ， 更 含 有 一 種 公 豬 交 配 時 所 發 出 的 體 味 （ 5-alpha-androstenol ） ， 所 以 早 年 獵 人 是 以 發 情 的 母 豬 去 搜 尋 白 松 露 ， 但 可 惜 母 豬 「 情 狂 」 ， 往 往 一 發 現 這 些 帶 有 公 豬 「 體 味 」 的 菇 菇 便 不 能 自 拔 ， 大 口 吞 食 白 松 露 ， 所 以 現 時 母 豬 已 經 被 淘 汰 。
食 會 唔 會 延 年 益 壽 ？
食 白 松 露 最 好 係 生 食 ， 出 土 後 一 定 要 廿 日 之 內 食 落 肚 ， 否 則 呢 舊 白 色 鑽 石 就 會 發 霉 變 臭 ， 喊 都 無 謂 。 據 科 學 驗 證 ， 白 松 露 同 好 多 菌 類 一 樣 ， 80% 以 上 係 水 分 ， 另 外 成 分 就 包 括 纖 維 同 蛋 白 質 ， 唔 係 增 壽 靈 藥 。 換 句 話 講 ， 食 白 松 露 同 飲 水 似 乎 無 乜 分 別 ， 唯 一 分 別 可 能 係 當 中 的 虛 榮 感 ！
