從 成 都 返 港 後 ， 大 美 人 親 自 監 督 工 人 搬 運 傢 俬 。
關 之 琳 購 入 的 2 號 屋 ， 屬 示 範 單 位 ， 其 寢 室 外 牆 裝 有 閉 路 電 視 面 向 海 面 ， 防 止 被 偷 拍 。
○ 五 年 關 之 琳 拍 罷 電 影 《 做 頭 》 後 ， 開 始 淡 出 影 壇 ， 兩 年 來 強 攻 剪 綵 拍 廣 告 搵 快 錢 ， 今 年 五 月 ， 關 之 琳 終 於 儲 夠 彈 藥 ， 以 公 司 名 義 買 入 南 灣 道 一 億 一 千 三 百 多 萬 的 「 The Nautilus 」 ， 四 千 多 呎 連 千 多 呎 花 園 獨 立 屋 。
一 次 過 賣 晒 旗 下 物 業 ， 換 取 全 新 億 萬 香 閨 ， 關 之 琳 更 向 銀 行 做 七 成 按 揭 ， 每 月 供 款 五 十 三 萬 ， 睇 怕 大 美 人 為 撲 水 供 樓 ， 密 密 接 job 有 排 都 唔 得 閒 。
妙 撇 記 者
億 萬 豪 宅 經 過 半 年 大 裝 修 ， 終 於 在 上 週 一 （ 十 二 月 三 日 ） 入 伙 。 在 新 屋 休 息 一 晚 後 ， 翌 日 關 之 琳 坐 保 母 車 從 香 閨 出 發 ， 直 抵 中 環 都 爹 利 街 ， 並 急 步 進 入 一 商 業 大 廈 辦 理 私 人 事 務 。 約 一 小 時 ， 架 墨 鏡 的 大 美 人 捧 咖 啡 離 開 ， 其 間 發 現 記 者 蹤 影 ， 先 是 愕 然 ， 繼 而 「 自 動 波 」 對 住 鏡 頭 微 笑 示 好 ， 果 然 喬 遷 之 喜 ， 心 情 格 外 靚 。
交 完 功 課 俾 記 者 ， 關 之 琳 隨 即 轉 往 另 一 座 商 業 大 廈 ， 原 來 大 美 人 怕 被 人 跟 出 跟 入 無 自 由 ， 於 是 向 相 熟 的 Salon 求 救 ， 約 四 十 五 分 鐘 後 ， 她 在 四 名 青 年 人 牆 護 送 下 步 出 大 廈 ， 棄 保 母 車 搭 的 士 離 開 中 環 。
親 自 督 工
入 伙 前 夕 ， 大 美 人 不 時 在 舊 居 利 安 閣 和 新 屋 兩 邊 走 ， 上 週 日 （ 二 日 ） 到 成 都 出 席 代 言 人 活 動 後 ， 便 立 即 返 港 安 排 搬 屋 。
搬 屋 當 日 黃 昏 時 分 ， 全 屋 燈 火 通 明 ， 地 下 花 園 位 置 放 滿 各 樣 雜 物 ， 兩 名 菲 傭 正 忙 於 處 理 ； 至 於 二 樓 大 廳 ， 工 人 忙 於 搬 運 同 時 ， 關 之 琳 則 在 旁 邊 指 點 安 放 傢 具 。
全 屋 設 計 以 白 色 作 為 主 題 ， 大 部 分 傢 具 亦 以 淺 色 為 主 。 至 於 頂 層 ， 大 美 人 的 寢 室 位 置 ， 清 晰 可 見 窗 邊 對 出 裝 有 兩 部 閉 路 電 視 ， 以 防 偷 拍 之 用 。
○ 五 年 關 之 琳 拍 罷 電 影 《 做 頭 》 後 ， 開 始 淡 出 大 銀 幕 ， 一 部 電 影 最 少 霸 佔 兩 個 月 時 間 ， 相 比 起 花 一 日 半 日 時 間 拍 廣 告 剪 綵 ， 搵 錢 更 快 更 舒 服 ， 單 在 ○ 六 年 ， 關 之 琳 在 中 、 港 、 台 便 拍 下 超 過 廿 個 廣 告 ， 更 有 消 息 指 ， 大 美 人 ○ 七 年 上 半 年 的 廣 告 收 入 ， 已 經 接 近 二 千 萬 人 民 幣 。
新 屋 逐 層 睇
四 層 高 連 天 台 ， 每 層 過 千 呎 ， 無 敵 大 海 景 ， 大 美 人 的 過 億 豪 宅 ， 間 格 四 正 。
改 頭 換 面
搵 錢 機 會 湧 埋 身 ， 加 上 這 兩 年 間 賣 出 渣 甸 山 及 西 半 山 兩 項 物 業 ， 賬 面 賺 千 七 萬 ， 投 資 有 道 的 她 ， 今 年 五 月 以 「 Leon Line Development Limited 」 公 司 名 義 ， 以 一 億 一 千 三 百 萬 買 入 南 灣 道 「 The Nautilus 」 ， 四 層 高 合 共 四 千 六 百 七 十 五 呎 ， 連 一 千 一 百 七 十 三 呎 花 園 天 台 獨 立 屋 ， 作 自 住 之 用 。 據 資 料 顯 示 ， 物 業 在 七 月 於 銀 行 上 會 時 ， 進 行 了 七 成 按 揭 ， 若 以 二 十 年 期 供 款 計 算 ， 關 之 琳 每 月 供 樓 費 用 便 高 達 五 十 三 萬 。
住 大 筆 樓 債 ， 但 關 之 琳 依 然 落 足 本 錢 將 香 閨 大 裝 修 。 據 知 ， 大 美 人 的 單 位 ， 屬 屋 苑 的 示 範 單 位 ， 只 是 售 價 未 有 因 此 獲 得 優 惠 ， 呎 價 高 達 二 萬 四 千 六 百 元 ， 創 當 時 該 項 目 的 新 高 。 摸 頂 成 交 ， 全 屋 有 晒 裝 修 ， 大 美 人 本 應 隨 時 入 得 伙 ， 可 惜 唔 口 味 ， 經 過 半 年 改 頭 換 面 ， 終 於 趕 及 在 年 底 入 伙 ， 成 為 南 灣 小 富 婆 。
炒 出 個 未 來
多 年 來 憑 買 賣 物 業 獲 利 ， 銀 行 簿 仔 識 發 金 光 的 關 之 琳 ， 炒 樓 眼 光 獨 到 ， 唔 怪 之 得 被 封 為 圈 中 數 一 數 二 的 富 婆 ！
渣 甸 山 嘉 雲 臺
93 年 12 月 買 入 ： 1,398 萬
07 年 9 月 賣 出 ： 2,850 萬
勁 賺 ： 1,452 萬
西 半 山 寶 翠 園
04 年 3 月 買 入 ： 907 萬
06 年 9 月 賣 出 ： 1,160 萬
勁 賺 ： 253 萬
渣 甸 山 嘉 雲 臺
91 年 10 月 買 入 ： 760 萬
03 年 10 月 賣 出 ： 1,430 萬
勁 賺 ： 670 萬
會 景 閣
92 年 7 月 買 入 ： 600 萬
96 年 9 月 賣 出 ： 1,420 萬
勁 賺 ： 820 萬
歌 和 老 街 歌 和 台
91 年 11 月 買 入 ： 248 萬
94 年 5 月 賣 出 ： 900 萬
勁 賺 ： 652 萬 合
共 賺 3,847 萬
七 成 按 揭 非 必 然
剛 成 為 立 法 局 議 員 的 陳 方 安 生 ， 在 參 選 期 間 被 再 次 披 露 在 一 九 九 三 年 ， 以 「 十 成 」 按 揭 ， 買 入 三 十 年 樓 齡 、 價 值 七 百 八 十 萬 的 司 徒 拔 道 玫 瑰 新 村 單 位 ， 掀 起 一 陣 風 波 。 原 來 在 九 三 年 ， 香 港 樓 市 熾 熱 期 間 ， 銀 行 監 管 機 構 — — 金 融 管 理 局 ， 要 求 銀 行 頒 樓 宇 按 揭 （ 抵 押 貸 款 ） 不 得 高 於 七 成 的 指 引 ， 對 於 五 百 萬 或 以 上 的 豪 宅 ， 貸 款 比 例 更 低 於 七 成 ， 甚 至 五 成 。
時 移 勢 易 ， 隨 樓 市 經 歷 多 個 高 低 潮 ， 有 關 條 例 亦 作 出 市 場 改 變 ， 部 分 銀 行 更 會 因 應 個 別 情 況 批 出 貸 款 ， 以 關 之 琳 為 例 ， 多 年 來 買 賣 投 資 ， 一 直 沿 用 同 一 間 銀 行 進 行 樓 宇 按 揭 ， 儲 下 的 良 好 信 貸 地 位 ， 有 關 方 面 願 意 特 許 過 億 樓 宇 買 賣 ， 做 七 成 按 揭 上 會 。
